عشان أكسب هدب عينك .. تجرعت العذاب أشكال
مسوّي في حياتي شي ... ما يذكر ولا ينقال
تمسّييني على الهم ... وتصبحني على الغربال
تقلطني فناجيلك ... وتقصر عني دلالك
تحملت التعب لأجلك ... وأنا حملي يهد جبال
رحلت من العذاب .... وما وقفت إلا على جالك
علامك كل ماجيت متواضع ... جيتني تغتال
معاك لمتى بصبر ... وصبري معك يحلالك
مثل ما اقبلت لعيونك ... لزوم تلد لي بقبال
ومثل ماقد حشمتك حس .. واحشم قلبي شوال
أنا جيت أعشقك نبض ومشاعر .. ما اعشقك تمثال
أنا جيت أسكنك واحياك ... وابقى فيك وابقالك
أنا جيت بضما عاشق .. تعب يطرد سرى ذلال
أنا جيت استفز رضاك ... من فرقاك وألجا لك
أنا ما همت بك عال ... أنا كنت أعشقك بخبال
أنا ما كنت أحبك حي ... أنا كنت أعشقك هالك
تخيل من كثر ما أخاف تلقى للزعل مدخال ...
أخاف أخطي على طيفك وأدوس برجلي ظلالك
كأن اللي خلق حسنك ... خلقني مع جسدك ظلال
وصرت أقرب جسد يمشي ... معك بقفاك وقبالك
أبي قلبك يحس إنه .... فقد بمحبته رجال
ملكته من هدب عين ... وخسرت رضاه بهمالك
ببدل نظرتك فيني ... وأجيلك كل يوم بحال
أكون أقرب من ثيابك عليك ... ولا تهيالك
أبي تسمع كلامي زين ... وتحطه على بالك
إذا حبك هبال أطفال ... إلك عندي هبال أطفال
لا وابشر بعد بهبال حب .... ما هو بهبالك