هاي طوشة بين شب اسمه خلف وفتاه اسمها دينا من عبدون
مواصفات خلف
لابس بوط اديداس وزنار ابو حديده وبنطلون قماش وقميص فيه اكثر من 100 لون
البوط معفر بالغبره البنطلون بجر 20 سم عالارظ ومعو باكيت دخان كلاسيك وتلفون وزنه 5 كيلو معلق عالزنار لابس 10 مطيطات كل وحده بتذكره بوحده حبها
مواصفات دينا
oh my god بنت لابسه اواعي الحبل بنت ستايل من الاخر اللي بشوفها بقول عنها هيفا
البارفان عن بعد كيلو بتشم ريحته ......................الخ
خلف مكحوش من الدار ومش قادر يطل عالحاره
وقرر ينزل على عمان وخلينا نشوف شو صارمعه
خلف: والله مني عارف هالمصايب من وين لاحقيتني اي والله
وفجأ بتمر دينا
خلف:اباييييي ولك شو هذا يا خلف ولك هاي احلى من عشبة بنت ابو محمد وشلون هسعيات بدي اقدر ازبطها اي اخر مره يا خلف شفت شو صار
استجمع قواه وقرر يحكي معها
خلف: ممكن اخذ من وقتك ابو عشر دقايق حكي وسايق عليكي الله ما تفشليني
دينا: بليز ما بئدر
خلف:وشو هاي بليز بس دقيقة طنيب على ولياكي
دينا : اوكي بس بسرعه
خلف:بي مجال لعولاقه؟ اذا ابيش عادي؟
"دينا مع ظحكه استهزاء "
خلف: وعلى ايش شايفه حالك يمقلعطه اي والله نص بنات البلد بتمنو يحكو معي لا يكون مش عاجبك شكلي؟
دينا: بليز لا تئلل ادب
خلف : ولك انا قليل الادب يا مقلعطه اي والله لونك
ذهب منتي مليحه على شو شايفه حالك؟
دينا: بكفي اني ما بعرف حشرات متلك
خلف: انا حشره ما شاالله عنك يا سلعوه(من فصيلة الثعالب)
دينا: هلأ بناديلك جوني
خلف: ومنو هذا المحروس اللي بدك تخوفيني فيه؟ لا يكون واحد من هالطنطات؟
دينا: جوني ماخد بطولة المملكه بالكراتيه
خلف: وانا ماخذ شهادة البلد بلعب البلياردو اي والله لو اصير قاظبو لخليكي تلمي سنانو وتلعبي بيهن زقطة
دينا : عنجد هلأ بنا ديلك اياه ول عليك شو زنخ
خلف: كبستك بصلاة النبي تناديه , ما ناقص غير جوني
دينا: فعلا انك بايخ ما ابردك
خلف : انا اللي بارد لا بكون مفكره حالك بتحكي مع الفريزر وانتي مش دارية روحي شوفيلك دكتور بلك عالجك
دينا: والله انتا لازم توخد تكسي عالامراض النفسيه
خلف: انا ولا انتي والله شعراتك مثل ظمة البقدونس
دينا:ماشالله عنك شعراتك موضه اديمه وما طلبت رأيك
خلف:اي راسك مثل تنكة الزيت
دينا:احسن من راسك زي حبه الهمبرغر
خلف: والله صارت للذبانه دكانه وصارت تسكر عبكير
دينا: له يا صرصار بطلعلك
خلف : وشو رايك ترشي علي بفباف بلكي انشليت
دينا:بنتريح من امسالك
مع قدوم جوني
خلف:ترا شوفي القرود بتنطط حولي لا تعصبيني ...........
جوني شب وزنه 120 كيلو وطوله 190 وايده زي المهده
جوني : ابو اشباب انت اليل ادب وانا بدي اضربك
خلف: وشو بي منو انت ؟ وشو بدك مني ؟ مالك
خلينا نتفاهم. مش قصدي
جوني:انتى اللت ادب مع الGF تاعيتي شي؟
خلف: ورحمة امي بترابها سوء تفاهم وكنت مشبه عليها عبنت بعرفها
دينا:كزاب لا تسدئو عمالو بلطشني حكي
خلف: ولك يابنت احكيلك كلمة خير
جوني: خلينا نشوف مراجلك
خلف:ممكن سؤال من وين بدي اظربك ؟
ومال لحق يكمل الا جوني
كتل خلف كتلة لحتى استوا
خلف رجع عأهلو وحكالهم قصتو مع جوني وحرم يتحركش بالبنات
موضوع: طوشة مع خلف 
الأحد مايو 27, 2007 9:42 pm
